了解狗狗的「資源護衛」或護食行為

「資源護衛」（Resource Guarding）係狗隻中一種常見但令人困擾嘅行為。簡單嚟講，當狗狗認為佢擁有嘅某樣嘢可能會俾人奪走，就會表現出攻擊性、防禦性或逃避性行為，去保護佢珍惜嘅物品。需要留意，會表現出護衛行為嘅狗唔等於係「壞狗」，但呢類行為如果唔處理好，有機會引發令人不安甚至危險嘅情況。

什麼係「資源」？

所謂「資源」，係指狗狗認為有價值或重要嘅任何嘢。可以係食物、玩具、零食、牠鍾意瞓嘅地方（例如床或梳化）、某樣物品、主人，甚至係領地。資源護衛並唔代表狗狗想爭地位（Dominance），例如：如果你叫狗狗落梳化而佢發出低吼聲，有可能係牠護衛緊個「位置」，唔一定係想挑戰你。

點解資源護衛咁普遍？

狗狗會出現資源護衛，可能有以下原因 

• 人類不小心加強咗佢嘅行為（例如經常直接搶走佢手上物件
• 以前曾經喺動物之間嘅互動中學到呢種行為
• 成長過程缺乏社會化或教導唔當
• 潛在身體不適或健康問題
• 遺傳因素

• 用身體遮住件物品或個地點
• 攞住資源走開，唔畀人接近
• 不斷舔嘴、夾尾或打呵欠
• 當人接近時會僵硬或凝住唔郁
• 低吼、咬人或想咬